如題，文字中嘅文字並非完全正確，特別系一啲語氣詞、擬聲詞同一啲聽得唔咪好清楚嘅字詞都可能有錯誤，請大家諒解同埋指正，多謝！
第一部劇：摘錄荔枝FM28721電臺嘅《從頭說愛》，該劇系講一位女髮型師YoYo同一位客人阿泓喺理髮店傾發生自己身上嘅故事。
（1）關門後來的客人
·（今物臨收工嘅時候識咗個新客，佢幾得意咖，人哋話明收工喇，佢仲唔肯走，我諗除咗一啲去飲嘅阿太，佢都算姿整嘅喇。佢原先淨系話洗頭啦，之後又話要洗剪修，坐多兩坐，傾多兩句偈，哇……，又話要電發，結果搞到三更半夜，唔知如果我啲客睇住呢個blog，佢哋仲會唔會搵我剪頭髮呢？）
·哎，唔好意思，我哋已經收工喇喎！
·我屋企冇水，我想洗頭咋。
·啊！但系我哋拾曬嘢準備收工嘅喇。
·準備啫，你未收工嘛。
·啊……
·你係咪髮型師走咗，你揸唔到主意啊？
·啊，Sorry啊，我係髮型師。
·你係髮型師？噉梗系洗頭嗰個走咗，所以你唔肯幫我洗，系咪？
·噉嘛唔系，但系，只不過真系要收工喇，不如我而家幫你Make個Appointment，等你可以聽朝嚟，噉嘛我再幫你整，好唔好？
·可能唔咪個個都有聽朝嘅喎。
·噉，OK，好啊，噉我做埋你先走囉！
·唔該！
·（我唔知佢個頭繫有嘢咬啊，定系真繫好多日冇洗頭囉，抑或學佢講屋企真系冇水囉，我唔明白點解佢一定要今晚洗頭，不過，我最後都幫埋呢個男仔洗咗頭先走。）
·啊……，你見邊度痕啊？
·OK嘅喇！
·啊……，你見邊度痕啊？
·OK嘅喇！
·啊！我真系淨系幫你洗溼咗個頭啫喎，咁快OK？即雖然我係髮型師，但系我都識幫人洗頭嘅，你邊度痕，你可以開聲嘅。
·其實我只不過想搵個人陪下我咋，啊……，小姐，你嘅洗頭水dai好未啊。
·（我真繫好想同佢講，其實我係專登嘅，哎……，乜想搵個人陪下我啫，我真系想問你當我係乜而家，我呢間系一人理髮店，唔咪色情髮廊啊……！）你想點吹啊？使唔使同你落返啲泥啫啫佢啊！
·你介唔介意幫我剪埋頭髮。
·啊……，我唔介意嘅，我都系開啟門做生意，不過……
·不過因為時間關係，你要收工喇，系咪？
·唔咪……，但系，因為其實呢度過咗十二點半冇冷氣嘅。
·我唔介意嘅。
·啊……？但繫好焗嘅喎。
·我真系唔介意嘅，你幫我剪啊。
·噉嘛想點剪啊？
·你話啦，修修佢得嘅喇。（由細到大我好鐘意剪頭髮，我唔單止鐘意剪頭髮，仲鐘意剪人哋嘅頭髮。我記得中三嗰年，前面嗰女同學嘅頭髮又長又開叉，我忍唔住攞一把美容鉸剪，然後一剪，剪咗佢一紮頭髮，結果嗰次我要見家長，不過之後我居然同呢女同學friend咗，亦都因為佢嘅鼓勵，我先有勇氣去學剪頭髮。）
·嗯，剪完喇，嗱，我攞塊鏡畀你睇下先，嗱，兩邊哩即同你剪返齊啲啦，噉前面我就幫你剪碎咗，O唔OK？
·嗯，你話而家呢個長度哩，仲可以有啲乜變化哩？
·其實你噉樣仲可以有好多變化嘅喎。
·有冇計啊？
·嗯……，噉你想點變先，因為你面型哩即繫有好多剪法都得，但系即系要睇下你要點剪囉。
·噉……，變化系咪好需要勇氣嘅咩？
·（哇……，我真繫好想叫佢唔好玩啦，佢根本就係無無聊聊噉樣蕩咗入嚟，一陣又話洗頭，一陣又話修修啲髮腳，一陣哩又要話乜變化，然後仲問我喎，變化系咪需要乜勇氣嘅啫。）
·哎，其實系嘅，先生，變化哩即系的確需要好大嘅勇氣嘅，噉，如果你今晚啲勇氣未嚟嘅話哩，噉你不如下次先啦，好唔好？下次你嚟，我再幫你嚟個大變身啦。
·而家幾點啊？
·就嚟十二點喇，冇冷氣嘅喇。
·你今晚可唔可以幫我嚟一個大變身啊？
·先生，請問你貴姓啊？
·你叫我阿泓得嘅喇。
·噉嘛，阿泓啊，同你講吖，其實我真系想問下你，你係咪玩嘢先而家。
·你以為我玩嘢啊，我有錢嘅，我唔碌咭啦，我有cash嘅，你睇下……
·我冇懷疑過你夠膽唔畀錢，我有成套鉸剪喺手，你出得到呢間鋪頭，出唔到商場，出得呢個商場，都出唔到商場門口嗰條街囉。
·我真系唔咪玩嘢嘅，其實我想電發。
·嚇……，電發？（第一期完）
